प्रेरक पथ ।

 गुरु दयाल ।     ११ भाद्र २०७६, बुधबार २२:००     259 जनाले पढ़िसके


शब्द रचना :- गुरु दयाल यदुवंशी । सिरहा । हाल-मलेसिया 

प्रेरक पथ खोजैत हम बिनु संदेह चलैत गेलौं,
विघ्न, बाधा जतेक एलैथ नि:संकोच कटैत गेलौं ॥
भुख-पियाससँ लड़ैत, घाम, रौदसँ जड़ैत बढ़ैत गेलौं,
दुख-धनियाक बेगरता मे टूटलो सिढ़ी चढ़ैत गेलौं॥
—————-
गामसँ शहर तक भटकैत, अंततः मार्गदर्शनक खगता रहल,
एक-एक स्वप्नके टुँड़ियबैत विदेश तक चलि एलौँ॥
ओ बचपनक खेल-धुप माईँ-बाबूअक दुलार हेरा गेल,
आब तऽ जीनगीक सबटा पन्नामे स्वयं सून्य भगेलौँ॥
————-
ओ पुरान-धुरान सखा-संगीक किल्कारीसँ बंचित भेलौं,
नीजक अभिलाषा छोईड़क, बिच भँवर मे फँसि गेलौं ॥
गूरूअक परामर्श माथ धऽ लक्ष्यक ओर बढ़ैत रहलौँ,
दुखक पथार तड़हथ्थीसँ टारैत भाग्यक रेखा मिटाबैत रहलौँ॥
———
संगतुरिया संगे ध्यानमग्न सँ सूनैत छलहूँ दिना-भद्रीक गाथा,
अखनो हम बाबा सलहेस, लोरीकक ईतिहाँस खोजैत रहि गेलौं॥
पथ हजार भेटल लोभ, अनियती के, सत्यक पथ तोपाएल छल,
मुदा गूरूजीक दर्शाओल सत्यक बाटपर डेग बढ़ाबैत गेलौं॥



domain register price